वेरूळ ज्योतिर्लिंग येथे भव्य महास्वच्छता अभियान | प्रशासन व लोकप्रतिनिधींचा संयुक्त पुढाकार

www.themaharashtratoday.com

मोबाईल नं. 9623871987

दिनांक : 12 फेब्रुवारी 2026

खुलताबाद | प्रतिनिधी : अशोक अधाने

छत्रपती संभाजीनगर जिल्ह्याचे जिल्हाधिकारी दिलीप स्वामी यांच्या मार्गदर्शनाखाली वेरूळ येथे महास्वच्छता अभियान राबविण्यात आले. या अभियानामध्ये विविध स्वयंसेवी संस्था (NGO), शासकीय कर्मचारी, सफाई कामगार यांनी मोठ्या उत्साहाने सहभाग नोंदवला. यासोबतच गंगापूर–खुलताबाद विधानसभा मतदारसंघाचे आमदार प्रशांत बंब व त्यांच्या कार्यकर्ते, पदाधिकारी यांच्यामार्फतही स्वतंत्रपणे स्वच्छता अभियान राबविण्यात आले. वेरूळ हे बारावे व अंतिम महत्त्वाचे ज्योतिर्लिंग असल्याने भाविकांची येथे मोठ्या प्रमाणावर वर्दळ असते. या पार्श्वभूमीवर तीर्थक्षेत्र स्वच्छ, सुंदर व पर्यावरणपूरक ठेवण्याच्या उद्देशाने हे महास्वच्छता अभियान राबविण्यात आले. या मोहिमेदरम्यान मंदिर परिसर, रस्ते, सार्वजनिक ठिकाणे व परिसरातील कचरा साफ करण्यात आला. स्वच्छतेसोबतच नागरिक व भाविकांमध्ये स्वच्छतेबाबत जनजागृती करण्यात आली. प्रशासन व लोकप्रतिनिधींच्या या संयुक्त उपक्रमाचे भाविक व स्थानिक नागरिकांकडून कौतुक होत असून, अशा उपक्रमांमुळे तीर्थक्षेत्राची पवित्रता व सौंदर्य अधिक वृद्धिंगत होईल, असा विश्वास व्यक्त करण्यात येत आहे.