पूजा अधाने, कोमल ठेंगडे आणि रूपाली अधाने यांची ‘विद्युत सहाय्यक’ पदावर निवड..!

www.themaharashtratoday.com

 प्रतिनिधी : अशोक अधाने

मोबाईल नं. 9623871987

दि. 5 नोव्हेंबर 2025

गदाना (ता. खुलताबाद) — गदाना गावातील तीन कन्या — पूजा अधाने, कोमल ठेंगडे आणि रूपाली अधाने — यांनी आपल्या कर्तृत्वाच्या जोरावर ‘विद्युत सहाय्यक’ या प्रतिष्ठित पदावर निवड मिळवून गावाचे नाव उज्ज्वल केले आहे. त्यांच्या या उल्लेखनीय यशामुळे गदाना गावात अभिमानाचा आणि आनंदाचा माहोल निर्माण झाला आहे. 🌟

या यशानिमित्त गावच्या वतीने ग्रुप ग्रामपंचायत कार्यालयात त्यांच्या भव्य स्वागत समारंभाचे आयोजन करण्यात आले. कार्यक्रमास गावातील नागरिक मोठ्या संख्येने उपस्थित होते आणि तिघींचा पुष्पहार, शाल आणि श्रीफळ देऊन सत्कार करण्यात आला. 🌹

कार्यक्रमास उपसरपंच सविता चव्हाण, माजी सरपंच सविता पोपट चव्हाण, ग्रामपंचायत सदस्य राजू चव्हाण, काकासाहेब अधाने, कैलास बडोगे, प्रभाकर ठेंगडे, सुभाष अधाने, मधुकर ठेंगडे, राष्ट्रवादी काँग्रेस पार्टी (अजित पवार गट) चे जिल्हा सरचिटणीस अनिल चव्हाण, पद्माकर खाडे, गंगाधर अधाने, तसेच घोडेगाव येथील संजय जाधव यांसह अनेक मान्यवर उपस्थित होते.

मान्यवरांनी आपल्या भाषणातून तिन्ही मुलींच्या यशाचे कौतुक करत, गावातील इतर युवतींनी त्यांच्या पावलावर पाऊल ठेवावे व शिक्षणाच्या माध्यमातून स्वतःचे भविष्य घडवावे, असे आवाहन केले. 🌺

गदाना गावातील नागरिक, नातेवाईक आणि मित्रपरिवारात या यशाबद्दल प्रचंड आनंद व्यक्त होत असून सर्वत्र “आपल्या मुलींचा अभिमान!” असा जयघोष ऐकू येत आहे. 🔆