खुलताबाद पोलीस स्टेशनला मराठा स्वयंसेवकांचा संताप! मनोज जरांगे पाटील यांच्या हत्येच्या धमकीप्रकरणी निवेदन सादर 🚨

मनोज जरांगे पाटील यांच्या हत्येच्या धमकीप्रकरणी निषेध — आरोपींवर तात्काळ कारवाईची मागणी 🔥

खुलताबाद (जि. छत्रपती संभाजीनगर) —
मनोज जरांगे पाटील यांच्या हत्येची सुपारी दिल्याचा गंभीर आरोप समोर आल्यानंतर मराठा समाजात तीव्र संताप उसळला आहे. या प्रकरणात आज खुलताबाद पोलीस स्टेशनमध्ये सकल मराठा समाज, रत्नपूर (ता. खुलताबाद) यांच्या वतीने मराठा स्वयंसेवक बांधवांनी मोठ्या संख्येने हजेरी लावून पोलीस प्रशासनाला निवेदन सादर केले.

निवेदनात म्हटले आहे की, सोशल मीडियावर बीड जिल्ह्यातील एका बड्या नेत्याने संघर्ष योद्धा माननीय मनोज जरांगे पाटील यांच्या हत्येची सुपारी दिल्याचे गंभीर आरोप व्हायरल होत आहेत. हे प्रकरण अत्यंत चिंताजनक असून, या प्रकरणाची तात्काळ चौकशी करून आरोपीचा शोध घेऊन कठोर कारवाई करण्यात यावी, अशी मागणी करण्यात आली.

स्वयंसेवकांनी पोलीस ठाण्याबाहेर घोषणाबाजी करत निषेध नोंदवला. “मनोज जरांगे पाटील आमचे आदर्श आहेत; त्यांच्या सुरक्षेबाबत शासन आणि प्रशासनाने तातडीने उपाययोजना कराव्यात,” अशी मागणीही स्वयंसेवकांनी केली.