वेरूळ: गौतम बुद्धांच्या मुर्ती वर किरणोत्सव, रोमांच कारी क्षणासाठी अनेकांची उपस्थिती

✍️ वार्ताहर: अशोक अधाने
📞 मो. 9623871987

www.themaharashtratoday.com

खुलताबाद / प्रतिनिधी –   (ता. 10 मार्च 2025 ) – दुपारी ४:१० वाजेच्या सुमारास तथागत गौतम बुद्धांच्या लेणी क्र.१० वर अभुतपुर्व किरणोत्सव नजारा

वेरूळ : गौतम बुद्धांच्या मूर्तीवर किरणोत्सवाचा अद्भुत सोहळा, रोमांचकारी क्षणाचा साक्षीदार होण्यासाठी पर्यटकांची मोठी गर्दी!

जगप्रसिद्ध व ऐतिहासिक वेरूळ येथे तथागत गौतम बुद्ध यांच्या लेणी क्रमांक १० मध्ये किरणोत्सवाचा अद्वितीय नजारा अनुभवण्यासाठी देशी-विदेशी पर्यटक, अनुयायी आणि खगोलप्रेमी मोठ्या संख्येने उपस्थित होते. दुपारी ४:१० वाजता गौतम बुद्धांच्या मूर्तीवर पडलेल्या सूर्यकिरणांनी सारा परिसर सोनेरी प्रकाशाने न्हावून निघाला, आणि हा अपूर्व क्षण उपस्थित पर्यटकांसाठी अविस्मरणीय ठरला.

दि. १० रोजी विशेषतः तथागत गौतम बुद्धांच्या अनुयायांसह अनेक पर्यटक लेणी क्रमांक १० मध्ये किरणोत्सव अनुभवण्यासाठी आले होते. किरणोत्सवाच्या वेळी बुद्धमूर्तीच्या चेहऱ्यावर प्रकाश पडताच उपस्थितांच्या हर्षोल्हासाला उधाण आले. सोनेरी किरणांनी उजळलेली मूर्ती पाहून सर्वांनी मंत्रमुग्ध होत ही अनोखी अनुभूती आपल्या कॅमेऱ्यात कैद केली.

लेणी क्रमांक १० मध्ये धम्मचक्र प्रवर्तन मुद्रेत विराजमान असलेल्या गौतम बुद्धांच्या मूर्तीच्या एका बाजूला पद्मपाणी आणि दुसऱ्या बाजूला वज्रपाणी बोधिसत्व आहेत. लेणीच्या भिंतींवर बुद्धांच्या जीवनातील महत्त्वाचे प्रसंग कोरलेले असून, त्याच झरोक्यातून सूर्यप्रकाश आत प्रवेश करतो. या झरोक्याचा आकार पिंपळाच्या पानासारखा आहे आणि त्याच्या बाहेर सहा गंधर्व कोरलेले आहेत.

हा अप्रतिम नजारा पाहण्यासाठी आलेल्या पर्यटकांनी या अद्भुत क्षणाचे छायाचित्रण करून आपल्या आठवणींमध्ये कायमस्वरूपी साठवले. वेरूळचा हा किरणोत्सव बुद्ध अनुयायींसाठी तसेच खगोलशास्त्र आणि पुरातत्त्वप्रेमींसाठी एक अनमोल पर्वणी ठरला.