📰 मराठा आरक्षणासाठी ‘संगर्ष यात्रा’ – रत्नपूर तालुक्यात नियोजन बैठका जोरात..!

प्रतिनिधी : अशोक अधाने

www.themaharastratoday.com

दिनांक: 29 जुलै 2025

मुंबई येथे होणाऱ्या दिनांक 29 ऑगस्ट 2025 रोजी भव्य मराठा आरक्षण आंदोलनासाठी मा. मनोज दादा जरांगे पाटील यांच्या नेतृत्वाखाली “संगर्ष यात्रा” आयोजित करण्यात आली आहे. या ऐतिहासिक लढ्यासाठी रत्नपूर तालुक्यातील विविध गावांमध्ये नियोजन बैठका आणि जनजागृती दौरे सुरू झाले आहेत.

सकल मराठा समाजाच्या वतीने आयोजित या नियोजन बैठका 27 जुलै ते 30 जुलै 2025 या कालावधीत होणार आहेत. तालुक्यातील प्रमुख गावांमध्ये सकाळपासून सायंकाळपर्यंत गावोगावी सभा घेऊन आंदोलनासाठी एकजूट व रणनीती ठरवण्यात येत आहे.

या नियोजन बैठकीसाठी तालुक्यातील सर्व पदाधिकारी, ग्रा.प. सदस्य, सोसायटी आजी-माजी पदाधिकारी, युवक, महिलावर्ग, शेतकरी वर्ग मोठ्या संख्येने उपस्थित राहणार आहेत. गावागावातील समाजबांधवांनी नियोजन बैठकीस वेळेवर उपस्थित राहून आंदोलनाची तयारी भक्कम करावी, असे आवाहन करण्यात आले आहे.