📰 खुलताबाद तालुक्यात काटशेवरीफाटा येथे मराठा आरक्षणाबाबत जल्लोष

प्रतिनिधी : अशोक अधाने

www.themaharastratoday.com

दिनांक: 02 सप्टेंबर 2025

मुंबई येथे माननीय मनोज दादा जरांगे यांच्या उपोषणाच्या पार्श्वभूमीवर मराठा समाजाला शासनाकडून आरक्षणाबाबत महत्त्वाचा निर्णय घेण्यात आला आहे. शासनाने आरक्षण देण्याची ग्वाही देत मनोज जरांगे यांनी केलेल्या आठ मागण्यांपैकी सहा मागण्या मान्य केल्या आहेत.

या ऐतिहासिक निर्णयाचा आनंद व्यक्त करण्यासाठी खुलताबाद तालुक्यात काटशेवरी फाटा येथे मोठा जल्लोष साजरा करण्यात आला. गुलाल उधळून व फटाके फोडून मराठा समाजातील नागरिकांनी उत्साह व्यक्त केला.

यावेळी विविध पक्षातील कार्यकर्ते व नागरिक एकत्र आले होते. या जल्लोषामध्ये प्रकाश चव्हाण, सुनील चव्हाण, शंकरराव अधाने, गणेश अधाने, सोमनाथ जाधव, अनिल श्रीखंडे, दिलीप होळकर, रोहिदास अधाने, दत्तू चव्हाण, गणेश मेहेता, काकासाहेब अधाने, संदीप अधाने, मुक्तेश्वर गोरे, बबन बोडखे यांच्यासह तालुक्यातील अनेक मान्यवर व नागरिक सहभागी झाले होते.

मराठा समाजाच्या न्याय्य मागण्या पूर्ण झाल्यामुळे सर्वत्र समाधान व्यक्त करण्यात आले असून शासनाच्या निर्णयाचे स्वागत करण्यात आले.