📰 शिखाची वाडी येथे मराठा समाजाचा जल्लोष

प्रतिनिधी : कृपाकर खानसोळे

www.themaharastratoday.com

दिनांक: 02 सप्टेंबर 2025

मुंबई येथे माननीय मनोज दादा जरांगे यांच्या उपोषणाच्या पार्श्वभूमीवर शासनाने मराठा समाजाला आरक्षणाबाबत महत्त्वाचा निर्णय घेतला आहे. शासनाने आरक्षण देण्याची ग्वाही देत मनोज जरांगे यांनी केलेल्या आठ मागण्यांपैकी सहा मागण्या मान्य केल्या आहेत.

या ऐतिहासिक निर्णयाचा आनंद व्यक्त करण्यासाठी मुदखेड तालुक्यातील शिखाची वाडी येथे मोठा जल्लोष साजरा करण्यात आला. गुलाल उधळून व फटाके फोडून मराठा समाजातील नागरिकांनी उत्साह व्यक्त केला.

या जल्लोषामध्ये संजय खानसोळे, व्यंकटी खानसोळे, चक्रधर खानसोळे, कृपाकर खानसोळे, प्रविण खानसोळे, ओम खानसोळे, साईनाथ खानसोळे यांच्यासह शिखाची वाडी व मुदखेड तालुक्यातील अनेक मान्यवर व नागरिक मोठ्या संख्येने सहभागी झाले होते.

मराठा समाजाच्या न्याय्य मागण्या पूर्ण झाल्यामुळे सर्वत्र समाधान व्यक्त करण्यात आले असून शासनाच्या या निर्णयाचे स्वागत करण्यात आले.