🏆 गदाना शाळेचा इतिहासात सुवर्णक्षण..! मराठवाडा विभागीय अबॅकस स्पर्धेत गदाना शाळेचा झेंडा रोवला 🏆

वार्ताहर – अशोक अधाने
दिनांक – २२ जून २०२५

जिल्हा परिषद केंद्रीय प्राथमिक शाळा, गदाना येथील विद्यार्थ्यांनी मराठवाडा विभागीय अबॅकस स्पर्धा २०२५ मध्ये अभूतपूर्व कामगिरी करत आपल्या शाळेचे नाव संपूर्ण मराठवाड्यात उज्वल केले आहे. दोन दिवस चाललेल्या या प्रतिष्ठित स्पर्धेत मराठवाड्यातील १२०० हून अधिक विद्यार्थ्यांनी भाग घेतला. परंतु पहिल्यांदाच सहभागी झालेल्या जिल्हा परिषद शाळांनी इतिहास रचला, आणि त्यात गदाना शाळेचे योगदान अग्रस्थानी ठरले.

ही स्पर्धा ६ मिनिटांत १०० गणितं अचूक सोडवण्याची होती. सन्माननीय आमदार प्रशांत भाऊ बंब यांच्या गीताबन अबॅकस प्रशिक्षण उपक्रमामुळे गदाना शाळेच्या विद्यार्थ्यांना या संधीचा लाभ मिळाला आणि त्यांनी ती सुवर्णसंधीमध्ये रूपांतरित केली.

गदाना शाळेचे खालील ६ विद्यार्थी मराठवाड्याच्या टॉप फाइव्ह यादीत समाविष्ट झाले –

🏆 श्रावणी रेवनाथ चव्हाण – मराठवाड्यातून प्रथम क्रमांक
🏆 जया कैलास बडूगे – मराठवाड्यातून द्वितीय क्रमांक
🏆 सोहम संदेश गोसावी – मराठवाड्यातून द्वितीय क्रमांक
🏆 धनश्री अशोक अधाने – मराठवाड्यातून तृतीय क्रमांक
🏆 आराध्या किशोर अधाने – मराठवाड्यातून तृतीय क्रमांक
🏆 रुद्र गणेश बोडखे – मराठवाड्यातून पाचवा क्रमांक

या विद्यार्थ्यांनी मिळवलेल्या यशामुळे गदाना शाळेचे नाव मराठवाड्यात झळकले असून शाळेतील विद्यार्थ्यांनी ट्रॉफी मिळवत अभिमानास्पद यश मिळवले आहे.

या स्पर्धेत जिल्हा परिषद शाळा देवळी येथील कादंबरी वसंत जाधव हिने केवळ ३ मिनिटे ४५ सेकंदात १०० पैकी १०० गणितं अचूक सोडवून मॅथ मॅजिशियन हा विशेष सन्मान पटकावला.

प्रा. शशिकांत सांगविकर (मास्टर ट्रेनर) यांनी गदाना शाळेच्या शिक्षकांचे विशेष कौतुक करत पुढील वाटचालीस शुभेच्छा दिल्या.
या यशामागे आमदार प्रशांत बंब यांचे भरीव मार्गदर्शन आणि गीताबन उपक्रमाचे मोलाचे योगदान लाभले.

यावेळी जिल्हा परिषद केंद्रीय प्राथमिक शाळा गदाना येथे विजयी विद्यार्थ्यांसह शिक्षिका अर्चना अधाने यांचा सत्कार करण्यात आला.

या कार्यक्रमास उपस्थित केंद्रप्रमुख दिलीप बळे सर, मुख्याध्यापक नदीम शेख, शिक्षक काझी सर, सदावर्ते सर, तायडे सर, वाघ मॅडम, कस्तुरे मॅडम, काळे मॅडम, खंडागळे मॅडम यासह शाळेतील विद्यार्थ्यांनी कार्यक्रमाचा आनंद घेतला