डिसेंबर व जानेवारीत मुदत संपलेल्या ग्रामपंचायतींवर प्रशासक नेमणार – शासनाचे सचिवामार्फत निर्देश

www.themaharashtratoday.com

मोबाईल नं. 9623871987

दिनांक : 24 जानेवारी 2026

 प्रतिनिधी : अशोक अधाने

डिसेंबर २०२५ व जानेवारी २०२६ या कालावधीत ज्यांची ग्रामपंचायतींची मुदत संपलेली आहे, अशा ग्रामपंचायतींवर प्रशासक नेमण्याबाबत शासनाने महत्त्वपूर्ण निर्णय घेतला आहे. यासंदर्भात शासनाचे पत्र सचिवामार्फत निर्गमित करण्यात आले आहे.
शासनाच्या निर्देशानुसार, मुदत संपलेल्या ग्रामपंचायतींमध्ये निवडणूक प्रक्रिया पूर्ण होईपर्यंत प्रशासनिक कामकाज सुरळीत व अखंडपणे सुरू राहावे, यासाठी प्रशासकांची नियुक्ती करण्यात येणार आहे. त्यामुळे ग्रामपंचायतींच्या दैनंदिन कामकाजावर कोणताही परिणाम होणार नाही, तसेच नागरिकांच्या मूलभूत सेवा व विकासकामे सुरूच राहतील, असे स्पष्ट करण्यात आले आहे.
सदर निर्णयाची अंमलबजावणी संबंधित तालुका व जिल्हा प्रशासनामार्फत करण्यात येणार असून, शासन आदेशानुसार पुढील कार्यवाही तातडीने केली जाणार आहे. प्रशासनाकडून प्रशासक नेमणुकीची प्रक्रिया पारदर्शक पद्धतीने राबवण्यात येईल, असेही सांगण्यात आले आहे.
या निर्णयामुळे निवडणूक होईपर्यंत ग्रामपंचायतींचे प्रशासनिक नियंत्रण योग्य पद्धतीने राखले जाईल, अशी अपेक्षा व्यक्त करण्यात येत आहे.